Roger Federer sa qualifitgescha per il final dal turnier da tennis da Halle, quai per la 13avla giada. Cunter il Franzos Pierre-Hugues Herbert gudogna Federer ses mezfinal en dus sets cun 6:3 e 6:3.
Uschia frunta Roger Federer dumengia sin il Beltg David Goffin. Il final a Halle cumenza a las 13:00 uras. Sche Federer gudogna cunter Goffin, fiss quai ses 10avel titel a Halle.
Er Bencic en final
Tar il turnier da WTA a Mallorca ha Belinda Bencic cuntanschì il final. La Svizra ha gudagnà cunter la Tudestga Angelique Kerber en trais sets cun 2 a 6, 7 a 6 e 6 a 4. En il final frunta Bencic sin l'Americana Sofia Kenin. Per Belinda Bencic fissi il quart titel ad in turnier da WTA.
RR novitads 17:00+
