Il giugader da tennis Svizzer gudagna al Australian Open a Melbourne era la segunda runda. Federer ha eliminà il Tudestg Jan-Lennard Struff – il numer dal mund 55. Suenter sia victoria en trais sets (6:4, 6:4, 7:6) è el uss en la terza runda.
En la terza runda tutga Federer la sonda sin il Franzos Richard Gasquet. Omadus n'han fin uss anc pers nagins sets en il Australian Open.
Stan Wawrinka è percunter crudà ora. Il victur dal 2014 ha pers cunter l'American Tennys Sandgrehn cun 2:6, 1:6, 4:6. L'Australian Open è stà l'emprim turnier da Wawrinka suenter ina pausa da blessura da mez onn.
RR novitads 14:00