Naziunal/Internaziunal Federer e Wawrinka en 2. runda

Tant Roger Federer sco era Stan Wawrinka han dumagnà senza problems il pass en la segunda runda dal French Open.

Federer ha battì il Columbian Alejandro Falla en 3 sets cun 6:3, 6:3 e 6:4. Sin el spetga ussa u il Spagnol Marcel Granollers u il Tudestg Mathias Bachinger.

Stan Wawrinka ha battì il Tirc Marsel Ilhan en 3 sets cun 6:3, 6:2 e 6:3. Ses proxim adversari è u il Serb Dusan Lajovic u l'Argentin Maximo Gonzalez.