Siglir tar il cuntegn
cuntegn

Naziunal/Internaziunal Federer en final a Halle

Roger Federer stat en il final da Halle, quai per la 10avla giada. En il mezfinal ha il Svizzer gudagnà cunter il Croat Ivo Karlovic en dus sets cun 7:6 e 7:6.

Roger Federer
Legenda: Roger Federer ha gia 7 giadas gudagnà a Halle. Dumengia ha el la schanza da gudagnar per l'otgavla giada quest turnier. Keystone

Cunter il spezialist da service n’ha Federer gì quasi naginas schanzas per in break, uschia ch'ils dus tiebreaks han stuì decider.

En il final da dumengia frunta Federer sin il Talian Andreas Seppi. Lez è sa qualifitgà per il final senza avair dà in entir gieu. Ses adversari Kei Nishikori ha stuì dar si pervi d'ina blessura. Seppi ha manà cun 4:1. Federer ha gia gudagnà 7 giadas a Halle, l'ultima giada l'onn passà.

RR novitads 15:00