Siglir tar il cuntegn

Header

Navigaziun

Roger Federer sa legra d'in punct gudagnà.
Legenda: Igl è stà ina victoria cun glisch e sumbriva. Keystone
cuntegn

Naziunal/Internaziunal Federer en l'otgavel final al Swiss Indoors

Roger Federer ha gudagnà sia prima partida al turnier da chasa, il Swiss Indoors a Basilea. Il Svizzer ha battì il Serb Filip Krajinovic en trais sets.

Federer era atgnamain sin buna via ad ina clera victoria en dus sets. Cun set games en roda ha Federer fatg il 6:2 e manava en il segund set cun 2:0. Lura hai dentant dà ina midada. Il Svizzer ha pers ils proxims trais games cun agen service e cumenzà a far sbagls.

Jau ha pensà ch'jau haja enta maun il gieu.
Autur: Roger Federergiugader da tennis

Il gieu da Federer ha midà tranter glisch e sumbriva. Er en il terz set ha il sportist da 37 onns manà cun 5:2 e lura anc ina giada laschà vegnir pli datiers il Serb. La finala hai dentant tanschì per sia totalmain 67avla victoria a Basilea.

En l'otgavel final frunta Federer sin il Tudestg Jan-Lennard Struff.

RR novitads 06:00