Il Svizzer Roger Federer ha gudagnà il quartfinal cunter il Tschec Tomas Berdych en 3 sets (7:6 / 6:2 / 6:4).
En il mezfinal frunta Roger Federer sin il nummer 1 dal mund, il Serb Novak Djokovic. Lez ha battì senza difficultads il Giapunais Key Nishikori en 3 sets (6:3 / 6:2 / 6:4).
La gievgia datti uschia il 45avel duel tranter Djokovic e Federer. Enfin uss han omadus gudagnà mintgamai 22 partidas.
Legenda:
Martina Hingis (dretg) e Sania Mirza suenter la victoria cunter il duo tudestg-american Groenefeld / Coco Vandeweghe.
Keystone
Era il dubel da dunnas cun participaziun svizra
Martina Hingis e Sania Mirza han cuntanschì il mezfinal a l'Australian Open. Il dubel da dunnas ha gudagnà il quartfinal cunter il pèr tudestg-american Grönefeld / Vandeweghe (6:2 / 4:6 / 6:1).
Hingis/Mirza han reagì en il set decisiv sin la fasa flaivla en il segund set. En lez èn ellas duas bainbaud stadas cun 0:4 en retard.
RR novitads 08:00