En la terza runda ha Federer battì l’Australian Nick Kyrgios en trais sets cun 6:4, 6:1 e 7:5. Atgnamain è la partida vegnida decisa gia tar il 3:3 da l’emprim set. A Kyrgios n’èsi betg gartegià da nizzegiar quatter ballas da break. Tras quai è el vegnì malsegir e nov minutas pli tard ha Federer gudagnà il set.
Puspè in Australian
John Millman, il proxim adversari da Roger Federer, ha gudagnà sia partida cunter Michail Kukuschkin dal Kasachstan en quatter sets. Fin ussa hai dà be in duel tranter Federer e Millman e quai il 2015. Là aveva Federer gudagnà.
RR novitads 23:00