Naziunal/Internaziunal - Federer festivescha 85avel titel dad ATP
Roger Federer ha gudagnà il turnier da tennis ad Istanbul. En il final ha el battì l'Uruguaian Pablo Cuevas en dus sets cun 6:3 e 7:6. Igl è il 85avel titel per Federer sin la tura ATP.
Federar ha gudagnà la partida suenter 96 minutas cun la 5avla balla da match en il Tiebreak. Quel avess dentant era pudì ir a favur da Pablo Cuevas. L’Uruguaian ha numnadamain gì sez 3 ballas da set en il Tiebreak ch’ha cuzzà bun 15 minutas e che Federer ha la fin finala gudagnà cun 13:11. Il Basilais da 33 onns ha uschia puspè gudagnà suenter il 2012 in turnier dad ATP sin sablun.
