Copil, che n'aveva pers en il mezfinal cunter Alexander Zverev nagin service, manava en l'emprim set cun 3:1 ed en il segund set schizunt cun 4:1. En ils muments decisivs n'aveva Copil però betg la fermezza mentala necessaria.
Roger Federer è sa meglierà massiv durant las rundas en il turnier a Basilea. Cunter Filip Krajinovic, Jan-Lennard Struff e Gilles Simon ha el pers nov breaks. En il mezfinal è el però sa meglierà tar ina victoria da 6:1 e 6:4. Ina prestaziun ch'el n'ha daditg betg pli pudì mussar.
99avla victoria
Igl è stà la 99avla giada che Federer ha gudagnà in turnier. A Paris-Bercy e suenter als World Tour Finals a Londra ha el la schanza dad ir per sia 100avla victoria. Sche Federer sa participescha er al turnier a Paris n'è però anc betg cler. Ils ultims onns ha el savens desistì da sa participar al turnier a Paris.
RR novitads 17:00