«Jau sun fitg dischillus», scriva Roger Federer sin sia pagina da Facebook. Il numer trais dal mund ha decidì da terminar la stagiun 2016. Quai suenter avair discurrì cun ses medis ed avair ponderà tut las opziuns pussiblas.
Betg la fin da la carriera
El veglia anc dar insaquants onns tennis sin la «tour» senza avair mal. Perquai saja quai era impurtant che ses corp e ses schanugl, ch'el haja laschà operar l'enviern passà, sa revegnian ussa cumplainamain. Ils medis hajan cusseglià da far ina pausa. Ina fin da la carriera excluda il sportist da 35 onns dentant. El vegnia a turnar puspè il 2017 cunquai ch’el charezza anc adina il tennis.
Per l’emprima giada dapi 16 onns senza titel
Roger Ferder manchenta uschia ses 5avels gieus olimpics. E per l’emprima giada dapi l’onn 2000, sto il victur da 17 titels da Grand Slam terminar ina stagiun, senza avair gudagnà in titel.
RR novitads 21:00