Naziunal/Internaziunal - Federer senza problems en l’otgavelfinal
Al French Open cuntanscha Roger Federer per la 11avla giada en seria ils otgavel-finals. Federer ha gudagnà senza perder in set cunter il Bosniac Damir Džumur cun 6:4, 6:3 e 6:2.
En la proxima partida la dumengia frunta Federer alura sin il victur da la partida Gaèl Monfils cunter Pablo Cuevas.
Medemamain cun 6:4, 6:3 e 6:2 ha il segund Svizzer, Stan Wawrinka gudagnà sia partida cunter l'American Steve Johnson e cuntanscha uschia medemamain ils otgavelfinals. Là frunta el sin Nicolas Mahut u sin Gilles Simon.
