Naziunal/Internaziunal Federer senza problems en mezfinal

Roger Federer cuntanscha per la 11avla giada il mezfinal dal turnier da tennis a Halle en la Germania.

Il numer dus dal mund batta en il quartfinal l'indigen Florian Mayer en 64 minutas cun 6:0 e 7:6 (7:1).

Adversari da Federer en il mezfinal da sonda è il Croat Ivo Karlovic. Quel ha eliminà il Tschec Tomas Berdych en 3 sets cun far betg main che 45 ass.