Federer spetga cun ses comeback

Ils organisaturs dal turnier da tennis da squadras IPTL en l'Asia han communitgà che tant Federer sco era Serena Williams na sajan betg da la partida. I manchian ils daners per pajar las gaschas.

Roger Federer al Wimbledon. Bild in Lightbox öffnen.

Legenda da maletgs: Roger Federer vegn puspè ad esser da la partida a partir dal schaner. Keystone

A la concurrenza International Premier Tennis Leage ch'è planisada per la fin d'emna a Hyderabad en l'India na pon Roger Federer sco era Serena Williams betg participar. Tenor ils organisaturs n'hajan els betg ils meds finanzials per engaschar ils dus sportists.

Uschia turna Roger Federer pir l'onn che vegn puspè sin las plazzas da turnier. Davent dals dus da schaner sa participescha el ensemen cun Belinda Bencic al Hopman Cup en l'Australia.

RR novitads 09:00