Siglir tar il cuntegn

Header

Il skiunz Felix Neureuther durant il slalom gigant a Naeba en il Giapun.
Legenda: Malgrà las grevas e bletschas cundiziuns ha Felix Neureuther declassà sia concurrenza. Keystone
cuntegn

Naziunal/Internaziunal Felix Neureuther ha fatg frunt a la naiv bletscha

Felix Neureuther ha interrut la seria da victorias da Henrik Kristoffersen en il slalom. A Naeba en il Giapun ha il Tudestg pudì festivar si’emprima victoria da quest enviern. Kristoffersen ha stuì esser cuntent cun rang 7. Meglier Svizzer è stà Daniel Yule cun plaz 9.

Il tudestg Felix Neureuther (31) ha gudagnà il slalom da la cuppa mundiala a Naeba en il Giapun. Segund è vegnì il Svedais Andre Myhrer, terz l'Austriac Marco Schwarz.

Gia il bab da Neureuther aveva fatg plazs da podest a Naeba. Per il figl è quai la 12avla victoria da sia carriera. Ed uschia ha el junior dubel uschè bleras victorias da cuppa mundiala sco ses bab.

Meglier Svizzer è vegnì Daniel Yule sco 9avel. Ramon Zenhäuser è vegnì 17avel, ed il grischun Marc Gini 21avel.

RR novitads 06:00