Siglir tar il cuntegn

Naziunal/Internaziunal Fernando Schmed terminescha carriera

Il skiunz cun ragischs rumantschas terminescha sia carriera, quai ha el communitgà sin las raits socialas. Ses debut en la cuppa mundiala aveva il giuven da 26 onns dà il 2012 a Bormio. Ses meglier resultat en la cuppa mundiala è stà in 23avel rang en il Super G a Beaver Creek.

purtret da Fernando Schmed, skiunz
Legenda: Cun 26 onns chala Fernando Schmed sia carriera da skiunz d'elita. Keystone

Fernando Schmed è plinavant stà campiun svizzer en il Super G (il 2015 a Veysonnaz) e vice-campiun svizzer en la cursa rapida (il 2012 a Veysonnaz). Ultra da quai ha il skiunz da Sargans gudagnà ina cursa en la cuppa d'Europa. In dals puncts culminants per il giuven cun ragischs a Surrein è dentant era stada la partenza sin la «Streif» a Kitzbühel.

Da pitschen ensi è quai stà siemi dad esser ina giada a la partenza sin la «Streif» a Kitzbühel.
Autur: Fernando Schmedskiunz sa retratg

Plirs motivs da bandunar il circus da skis

Il plaschair dad ir cun skis saja anc adina avant maun di Fernando Schmed. Ma tenor el saja impurtant da chalar cun ina chaussa, uschè ditg ch'ins fetschia anc gugent ella. Plinavant haja dà problems interns cun sia equipa da trenament. La davosa stagiun da skis haja era mussà con spert che tut po esser a fin. Dus skiunzs èn morts sin pista. Quai haja schon dà da pensar.

RR novitads 12:00