Il skiunz svizzer Beat Feuz maina suenter questa victoria il classament en la cursa rapida. A Beaver Creek aveva Feuz gudagnà ed en Val Gardena è el vegnì terz. En questa cursa a Bormio ha Feuz gì in retard da 52 tschientavels sin il victur da la cursa. El è stà il sulet Svizzer tranter ils emprims diesch. Mauro Caviezel e Niels Hintermann han gì il medem temp ed èn vegnids 14avels.
Dominik Paris aveva gia gudagnà l'onn passà la cursa rapida a Bormio.
Klemen Kosi sa blessà
Da la medema cursa è il Sloven Klemen Kosi cupitgà grev. El è vegnì transportà davent cun l'helicopter. Tenor la federaziun da skis slovena n'haja Kosi betg pers la schientscha. El possia muventar bratscha e chommas e discurrer cun ils medis.
El haja mal la tatona e sgrifladas en fatscha. Latiers haja el rut l'oss dal nas. Sch'i dettia anc autras blessuras stoppian las examinaziuns mussar.
RR novitads 14:00