Siglir tar il cuntegn
Inhalt

Naziunal/Internaziunal Feuz segund a Kvitfjell

En la cursa rapida a Kvitfjell, en Norvegia è be il Tudestg Thomas Dressen stà pli svelt che Feuz.

Purtret da Beat Feuz.
Legenda: Beat Feuz a la cursa a Kvitfjell. Keystone

Il podest:

  • 1. Thomas Dressen (D), 1:49,17
  • 2. Beat Feuz (CH), +0,08 secundas
  • 3. Aksel Svindal (N), +0,17 secundas

Sco gia a Kitzbühel daventa il Svizzer Beat Feuz segund suenter il Tudestg Thomas Dressen. Terz è il Norvegiais Aksel Lund Svindal. Impurtant per Feuz èsi ch'el è classà avant Svindal. Cun il segund plaz ha el uss 60 puncts dapli en il classament general da la cursa rapida ch'il Norvegiais ed uschia bunas schanzas da gudagnar la culla da cristal.

Il final da la cuppa mundiala da questa stagiun ha lieu proxima emna ad Åre en Svezia. Avess Svindal da gudagnar ad Åre, lura tanschess a Feuz anc in sisavel rang per gudagnar l'emprima culla da cristal en sia carriera.

Ils ulteriurs Svizzers:

  • 6. Mauro Caviezel
  • 22. Gilles Roulin
  • 27. Urs Kryenbühl
  • 33. Marc Gisin
  • 34. Patrick Kueng
  • 38. Gian Luca Barandun
  • 41. Stefan Rogentin

Sper Feuz ha er Mauro Caviezel mussà ina buna prestaziun. Il Grischun ha pers main ch'ina mesa secunda sin il victur ed fatg ses meglier resultat en ina cursa rapida da la coppa mundiala. Ils ulteriurs Svizzers han pers bler temp e manchentà ils emprims rangs. Nils Mani è crudà ora.

RR novitads 12:00