Siglir tar il cuntegn

Naziunal/Internaziunal FIFA suspenda anteriur president dal DFB

La cumissiun d'etica da la FIFA ha suspendì l'anteriur president dal DFB Wolfgang Niersbach da tut las activitads da ballape sin plaun naziunal sco er internaziunal. Quai en connex cun l'affera enturn il campiunadi mundial dal 2006 en Germania.

Wolfgang Niersbach sesa actualmain en il comité executiv da l'UEFA
Legenda: Wolfgang Niersbach sesa actualmain en il comité executiv da l'UEFA Keystone

Niersbach n'haja betg annunzià enconuschientschas davart in cumportament sbaglià en connex cun la surdada dal campiunadi, ha communitgà la cumissiun a Turitg. La suspensiun valia per immediat e per in onn.

Niersbach sesa actualmain en il comité executiv da l'UEFA, la federaziun da ballape europeica. Sco schef dal DFB era el gia sa retratg il november passà.

RR novitads 16:00