Siglir tar il cuntegn

Naziunal/Internaziunal FIFA suspenda secretari general Valcke

Il secretari general da la FIFA Jerôme Valcke è vegnì dispensà per immediat da sias funcziuns, communitgescha la Federaziun internaziunala. Al Franzos vegn rinfatschà d'avair s'enritgì tar la vendita da bigliets per las rundas finalas da campiunadis mundials. Valcke refusa tut las rinfatschas.

L'anteriur secretari general da la FIFA, Jérôme Valcke.
Legenda: Jérôme Valcke sto bandunar la tribuna da la FIFA. Keystone

La FIFA haja prendì enconuschientscha d'ina seria d'accusaziuns che concernian il secretari general. Sinaquai haja ella dumandà la Cumissiun etica da la FIFA d'avrir in'inquisiziun uffiziala, a la FIFA precisà en la communicaziun.

Valke renvietscha tut las rinfatschas

Ulteriurs detagls n'ha la federaziun però betg numnà. Il Franzos Jérôme Valcke è dapi il 2007 secretari general da la FIFA e vala sco stretg confident dal president Sepp Blattter. Walcke ha entant laschà drizzar ora sur ses advocat che las inculpaziuns envers el sajan cumplettamain inventadas.

RR Novitads 22:00