Naziunal/Internaziunal - Fin da stagiun anticipada per Ammann
Simon Ammann terminescha anticipadamain sia stagiun. Quai ha el communitgà suenter la concurrenza da la cuppa mundiala da questa dumengia al Hollmenkollen ad Oslo.
Tar nauschas cundiziuns da vent è il skiunz svizzer vegnì 42avel ed ha uschia manchentà il final. Ses collega da team Gregor Deschwanden ha terminà la concurrenza sin plazza 21.
Gudagnà ha il leader da la cuppa mundiala, il Tudestg Severin Freund. Sin il program stattan ussa anc duas ulteriuras concurrenzas en Slovenia.
