Siglir tar il cuntegn

Naziunal/Internaziunal Fin per las dunnas da curling al campiunadi mundial

Per las dunnas Svizras è il campiunadi mundial da curling a Peking a fin. Gia avant lur davosa partida da la runda preliminara èsi cler ch'ellas manchentan la qualificaziun per ils playoffs. Era l'ultima partida cunter la Corea dal Sid perdan las dunnas Svizras cun 8:9.

Alina Pätz en acziun.
Legenda: Il skip Alina Pätz n'ha betg budì defender il titel da campiunessas mundialas. Keystone

Per l’equipa da curling da las dunnas svizras da Regio Baden cun il skip Alina Pätz n'èsi betg stà in turnier da success. Ellas cuntanschan la finala l'otgavel plaz als campiunadis mundials da curling. Cunter la Corea dal Sid perdan ellas cun 8:9. Gia avant era quai dentant cler che las dunnas manchentian ils playoffs.

Nagina defensiun dal titel

Uschia na pon las dunnas Svizras betg defender ses titel. Ils ultims trais campiunadis mundials aveva mintgamai las Svizras gudagnà. Tranter auter il 2016 l’equipa dal CC Flem cun il skip Binia Feltscher.

RR novitads 12:00+