Naziunal/Internaziunal - Final dal campiunadi mundial da ballape ils 18 da december 2022
Il termin è fix. Il gieu da final dal campiunadi mundial da ballape il 2022 en il Catar è ils 18 da december, pia 6 dis avant la saira da Nadal. Quai ha confirmà a Turitg Walter de Gregorio, il directur da medias da la FIFA, la Federaziun mundiala da ballape.
Gia avant la fin da la sesida dal comité executiv da la Fifa a Turitg è il termin per il final dal campiunadi mundial 2022 vegnì fixà. Catar, che organisescha quest eveniment da sport ch’è stà fitg en la critica, festivescha ils 18 da december mintgamai ses di naziunal.
Il campiunadi mundial da ballape 2022 duai vegnir manà atras en 28 dis ed uschia ir a fin la quarta dumengia d’advent.
