Fischer: «Pli consequent, pli sabi e dapli saung fraid»

Trais partidas e mo in punct. Quai è per il mument la bilantscha magra dal club da ballape Basilea en la fasa da gruppa da la Champions League. Tenor il trenader Urs Fischer sto quai midar.

urs fischer Bild in Lightbox öffnen.

Legenda da maletgs: Il trenader dal campiun svizzer Basilea, Urs Fischer, vesa senz'auter schanzas da gudagnar questa giada cunter PSG. Keystone

En il gieu da mardi saira ha il champiun svizzer Basilea la proxima schanza da tgirar ses conto da punct. Quai a partir da las 20:45 cunter Paris Saint Germain.

Era scha Basilea ha pers l'emprima partida cunter PSG cun 0:3, ha il trenader Urs Fischer vesì bunas acziuns da sia equipa. Questas saja quai ussa simplamain da nizzegiar pli consequent, pli sabi e cun saung fraid, di Fischer.

Basilea dovra puncts per continuar da cumbatter vinavant per ina plazza da playoff en la Champions League. Paris da tschella vart po cun ina victoria schont sa qualifitgar per ils otgavels finals.

RR actualitad saira 17:00