La regiun enturn Flem Laax Falera saja enconuschenta en ils ravugls da cursas d'orientaziun. Quai tras ils guauds unics en la regiun da la bova gronda e tras differentas concurrenza ch'hajan gia gì lieu en la regiun. Ultra da quai saja l'entusiassem da la vischnancas ed uniuns turisticas stadas in argument – en cumbinaziun cun l'infrastructura che saja gia dada, communitgescha Swiss Orienteering. Quai ils arguments da la federaziun da preferir la candidatura da Flem Laax Falera a quellas da San Murezzan e da Tavau-Claustra.
Sco proxim vegn la federaziun svizra ad inoltrar la candidatura da Flem Laax Falera tar la federaziun internaziunala. La surdada uffiziala è previsa la primavaira 2019.
RR novitads 16:00