Legenda:
Uli Forte resta tar l'FCZ ed emprova da returnar en la Super League.
Keystone
cuntegn
Naziunal/Internaziunal - Forte resta tar l'FCZ
Uli Forte resta trenader dal club da ballape da Turitg. Il club da tradiziun relegà en la Challenge League ha prolungà il contract cun Forte per la proxima stagiun. Il trenader da 42 onns aveva surpiglià il timun dal FCZ 3 rundas avant la fin. El n'ha betg pli pudì evitar la relegaziun.
Forte ha però manà il club a la victoria da la cuppa svizra ed uschia po l'FCZ giugar en l'Europa League.
Entant che Forte resta trenader èn autras posiziuns vegnidas occupadas u creadas da nov. Thomas Bickel è il nov schef da sport, fin uss ha il president Ancilo Canepa fatg quai. Vitiers è Bickel era president da la cumissiun da sport ch'è vegnida mess ensemen. Ils ultims 3 onns è Bickel stà responsabel per il management da talents tar l'FCZ.
