Durant la partida en la Super League tranter Aarau ed il FCZ ils 9 da november 2014, ha Wieser fatg in foul brutal cunter il giugader da Turitg Gilles Yapi. Yapi ha gì pliras stgarps dals lioms e rut in schanugl.
Procura publica: blessura per negligientscha
La procura publica dad Lenzburg-Aarau ha taxà il foul sco eventual-intenziunada simpla blessura corporala e sco greva blessura corporala per negligientscha. La sentenzia n'è anc betg legala. Sandro Wieser po anc far recurs entaifer 10 dis.
RR novitads 11:30