Siglir tar il cuntegn

Header

La legenda dal ballape tudestg Franz Beckenbauer.
Legenda: Franz Beckenbauer è confruntà cun adina dapli dumondas spinusas. Keystone
cuntegn

Naziunal/Internaziunal Franz Beckenbauer adina dapli en il focus

Il suspect cunter la legenda dal ballape tudestg Franz Beckenbauer vegn adina pli ferm, d’avair giugà ina rolla centrala tar la surdada dal campiunadi mundial 2006.

4 dis avant ch'il campiunadi mundial 2006 è vegnì surdà a la Germania, ha Franz Beckenbauer suttascrit ina cunvegna cun l'anteriur vicepresident da la FIFA, Jack Warner. Quai ha ditg Rainer Koch, il president intermediar da l’Associaziun da ballape tudestga DFB.

En quest document haja la vart tudestga empermess a l’organisaziun da Warner, commember executiv da la FIFA cun dretg da vuschar, diversas prestaziuns, ha declerà Koch. Directamain na saja dentant nagina menziun da daners.

RR Novitads 15:00