Fraser-Pryce resta la dunna la pli sperta dal mund

Als campiunadis mundials d’atletica leva a Peking gudogna la Giamaicana Shelly-Ann Fraser-Pryce il titel sur 100 meters, cun in temp da 10,76 secundas.

2 curriduras d'ina cursa sur 100 meters vegnan en l'arrivada. Bild in Lightbox öffnen.

Legenda da maletgs: Fraser-Pryce signalisescha gia sia victoria, entant che Schippers sa bitta anc en l’arrivada. Keystone

Quai è gia il terz titel da campiunessa mundiala per Fraser-Pryce, ultra da quai è ella dubla campiunessa olimpica. Secunda daventa la Ollandaisa Dafne Schippers cun in retard da 5 tschientavels, e la medaglia da bronz va a l’Americana Tori Bowie che ha pers in dieschavel sin la victura.

La curridura svizra Mudjinga Kambundji n’aveva betg cuntanschì il final sur 100 meters.

RR Novitads 16:00