Siglir tar il cuntegn

Header

Fredrik Aukland
Legenda: Fredrik Aukland è il mument sco expert da la televisiun norvegiaisa al Tour de Ski. RTR, R. Alig
cuntegn

Naziunal/Internaziunal Fredrik Aukland anteriur trenader da Dario Cologna

Il Norvegiais era il trenader da Dario Cologna tar ses emprims gronds success. Uss ha el midà la rolla e commentescha ed analisescha las cursas da passlung per la televisiun norvegiaisa.

Ils emprims onns da success da Dario Cologna era ses trenader il norvegiais Fredrik Aukland. Tar las cursas da giubileum al 10avel Tour de Ski è l’anteriur trenader naziunal en la rolla da commentader tar la televisiun norvegiaisa ed analisescha ils triumfs da ses cumpatriots che domineschan actualmain la scena da passlung.

Suenter in onn gudogna Cologna gia il Tour de Ski

Il favrer 2008 eran Fredrik Aukland ch’era trenader da l’equipa naziunala da juniors norvegiais e Dario Cologna s’inscuntrads durant ils campiunadis mundials da juniors U23 per l’emprima giada. Cologna era daventa per la terza giada campiun mundial dals U23. Curt suenter quests campiunadis aveva Adriano Iseppi alura schef passlung da Swiss Ski, fatg ina offerta ad Aukland da trenar l’equipa naziunala svizra cun quest talent Dario Cologna.

Gia en l’emprim onn da collavuraziun ha Cologna gudogna il Tour de Ski ed il classament general da la cuppa mundiala. Ed in onn pli tard il 2010 è Cologna daventa campiun olimpic a Vancouver el Canada. La primavaira 2010 è Aukland sa retratgs sco trenader da l’equipa naziunala ord motivs famigliars.

RR Actualitad mezdi 11:00

Artitgels legids il pli savens

Scrollar a sanestra Scrollar a dretga