Siglir tar il cuntegn

Header

video
La cursa che ha manà Andri Ragettli a la victoria
Or da Sport-Clip dals 21.11.2020.
laschar ir
cuntegn

Freeski Andri Ragettli gudogna en il slopestyle

L'atlet da Flem ha cumenzà bain la stagiun da freeski. Il giuven da 22 onns ha gudagnà en il slopestyle a Stubai en l’Austria avant dus Norvegiais. Suenter l’emprim percurs era Ragettli sin posiziun dus. En il segund percurs ha el lura mussà trics pli grevs tge ch’ha manà Ragetlli a la victoria. Per il Grischun è quai l'otgavla victoria en la cuppa mundiala, la setavla en il slopestyle ed il 20avel plaz da podest. L'onn passà aveva el terminà la stagiun per la terza giada entaifer tschintg onns sisum la classificaziun generala dal slopestyle.

Fabian Bösch è vegnì 9avel. Ils auters atlets svizzers n'han betg dumagnà tranter ils top diesch. Tar las dunnas è sulet Mathilde Gremaud sa qualifitgada per il final. Suenter che dus sigls n’èn betg reussids, ha quai anc tanschì per il 6avel plaz.

Dacurt aveva Andri Ragettli dumagnà suenter 148 emprovas in nov parcours:

video
Andri Ragettli dumogna in nov parcours senza sbagl
Or da Sport-Clip dals 09.11.2020.
laschar ir

RTR novitads 14:00

Artitgels legids il pli savens

Scrollar a sanestra Scrollar a dretga