Il defensur dal titel Rafael Nadal e l'emprim da la rangaziun mundiala Novak Djokovic – sa mesiran en il final dal French Open. Nadal è per la 13avla giada en il final, e pudess gudagnar ses 13avel titel. Per Djokovic èsi il 5avel final a Paris – ina suleta victoria hai dà, quai il 2016.
En ses mezfinal ha Novak Djokovic duvrà bler energia e pazienza, ses adversari Stefanos Tsitsipas ha ditg tegnì la dira. La finala ha Djokovic duvrà tschintg sets – el gudogna cun 6:3, 6:2, 5:7, 4:6 e 6:1. Avant aveva Nadal gudagnà cunter l'Argentin Diego Schwartzman cun 6:3, 6:3 e 7:6.
Cumpareglià las partidas ch'ils dus campiuns han dà in cunter l'auter, maina Djokovic fin uss cun 29:26. Il final dal French Open è la dumengia da las 15.00.