Al French Open a Paris ha ina giugadra da tennis da 19 onns declassà il numer dus dal mund. Simona Halep da la Rumenia ha pers l’otgavel final cunter la polacca Iga Swiatek cun 1:6 e 2:6 e quai en 68 minutas. Simona Halep n’ha strusch gì schanza.
La statistica da la giuvna polacca, ch'è actualmain il numer 54 dal mund , mussava a la fin 30 cunter 12 winners. En la proxima partida frunta Swiatek sin la qualifitganta taliana Martina Trevisan. Lezza ha gudagnà cunter il numer otg dal mund Kiki Bertens.