Siglir tar il cuntegn

Header

Navigaziun

cuntegn

French Open Derby svizzer tranter Federer e Wawrinka

La statistica mussa cler che Roger Federer ha fin uss gudagnà dapli duels cunter Stan Wawrinka. Cun 22:3 victorias è Federer de facto il favurit per il gieu. Plinavant ha el l'avantatg ch'el ha pudì ruassar avant il gieu. Wawrinka ha gì in dir gieu cunter Stefanos Tsitsipas.

Entant che Federer ha cuntanschì il quartfinal en mo 104 minutas, ha Wawrinka duvrà passa 5 uras. Federer ha battì l'Argentin Leonardo Mayer cun 6:2, 6:3 e 6:3. Wawrinka ha gudagnà cunter il Grec Stefanos Tsitsipas cun 7:6, 5:7, 6:4, 3:6 ed 8:6. Pia in maraton dubel per Wawrinka.

Federer ha dentant sez ina giada manegià che Wawrinka saja per el il pli malsegir sin sablun. Tuttas trais giadas ch'el ha pers cunter Wawrinka èn stadas partidas sin tal plaun. El ha pers duas giadas a Monte-Carlo (2009,2014) ed ina giada Rolan Garros (2015).

RR novitads 20.00