Il Bernais da 18 onns, Dominic Stricker, ha battì en il final svizzer ses collega da Turitg, Leandro Riedi cun 6:2 e 6:4. Quai en bun in'ura. Per Dominic Stricker, actualmain il nummer 10 dals juniors, èsi l'emprima victoria en nov duells cunter Leandro Riedi. Medemamain èsi per el er l'emprima victoria da Grand-Slam e quai cun l'ultima chaschun.
L'ultima giada ha Stan Wawrinka triumfà il 2003 sco junior svizzer a Paris. Sco victur da Grand-Slam dals juniors è Stricker uss sper Wawrinka er en cumpagnia da Heinz Günthardt (French Open e Wimbledon 1976), Roger Federer (Wimbledon 1998), Ramon Valent (Wimbledon 2001). Er Martina Hingis, Belinda Bencic u Rebeka Masarova han gudagnà Grand-Salms sco junioras svizras.
Tar ils umens èn plirs s'etablids pli tard tranter ils profis. Ina garanzia per la carriera sco profi n'è ina victoria da Grand-Slam tar ils juniors però betg.
