Roger Federer è out a Paris. El perda en trais sets, cun 3:6, 4:6 e 2:6 cunter il Spagnol Rafael Nadal. Nadal resta tranter els dus il retg dal sablun. En sis duels a Roland Garros ha Federer pers la sisavla giada cunter Rafael Nadal.
Cun quai resti tar il fatg che be dus giugaders han fin uss pudì batter Rafael Nadal en ses territori preferì: Robin Söderlin il 2009 e Novak Djokovic il 2015. En il final frunta Nadal u sin Novak Djokovic u sin Dominic Thiem. La partida da lezs dus ha stuì vegnir spustada sin damaun perquai ch'e l'aura ha fatg in stritg tras il quint.
RR novitads 16:00