Roger Federer stat en il mezfinal a Paris. En il duel svizzer ha el battì Stan Wawrinka en 4 sets cun 7:6, 4:6, 7:6 e 6:4. En ses 44aval mezfinal d'in turnier da Grand Slam, l'otgavel a Paris, frunta Federer il venderdi sin Rafael Nadal.
Il Spagnol ha battì senza gronds problems il Giapunais Kei Nishikori en 3 sets cun 6:1, 6:1 e 6:3. Nadal è per la 12avla giada en il mezfinal a Roland Garros. Gudagnà ha el gia 11 giadas il French Open.
RR novitads 20:00