Rausch ha manà 1989 Lucerna al titel da campiun svizzer
Durant set onns è Friedel Rausch stà trenader dal Club da ballape da Lucerna ed ha manà Lucerna ella stagiun 1988/99 a l'emprim e sulet titel da campiun svizzer. L'onn 1992 ha Rausch gudagnà cun Lucerna la cuppa svizra. Paucs dis suenter quei succes ha Rausch dentant stuì magunar la relegaziun da sia equipa.
Tranter ils giugaders ch'èn vegnids campiuns svizzers cun Lucerna ei è stà in giugadur romontsch, Pauli Friberg da Danis.
Carriera da trenader
Suenter ses temp sco trenader a Lucerna è il tudestg Friedel Rausch stà trenader da Kaiserlautern ella Bundesliga ed in onn er da Basilea che deva lu ella liga naziunala B. Davent l'onn 2004 fin il 2006 è Rausch turnà a Lucerna ella funcziun da schef d'equipa
Rausch è stà da l'onn 1962 fin 1971 durant radund 200 gieus sin il plaz da ballape per il club da tradiziun tudestg Schalke 04. Pli tard, dal 1976 fin il 1977 ha el era trenà l'equipa.
Friedel Rausch ha vivì ils davos onns cun sia dunna a Lucerna ch'è daventada sia secunda patria.
RR novitads 15:00