Legenda:
Eugenio Figueredo era vegnì arrestà la fin da matg.
Keystone
cuntegn
Naziunal/Internaziunal - Funcziunari da la Fifa sto restar en praschun
Il funcziunari da la Fifa, Eugenio Figueredo sto star vinavant en praschun. Il tribunal penal federal ha refusà in recurs cunter il cumond d'arrest per extradiziun.
Il tribunal argumentescha ch'i saja da temair che Figueredo emprovia da fugir. Figueredo ch'ha 83 onns era vegnì arrestà la fin da matg a Turitg ensemen cun 6 ulteriurs funcziunaris da la Fifa. Ad el vegn rinfatschà d'avair survegnì milliuns da daners en sia anteriura funcziun sco vicepresident da l'Associaziun da ballape da l'America dal sid.
