Siglir tar il cuntegn

Header

cuntegn

Furmla 1 Agid dals possessurs per squadras en miseria finanziala

Il schef da team da Red Bull spetga agid dals possessurs per squadras ch'èn en miseria pervi da la crisa da corona. I saja la finala lur fatschenta ed els stoppian ponderar co mantegnair lur teams, quai ha ditg Christian Horner a la gasetta britannica, «The Guardian».

Pervi da la crisa da corona ha la furmla 1 stritga tuttas cursas fin il zercladur. Avert è anc adina sch'i po insumma dar cursas quest onn. Sur tut squadras pitschnas, privatas fan quitads per lur surviver. Intginas da quellas squadras han gia tramess lur collavuraturs en lavur curta.

Red Bull na vul betg ina reducziun da budget

Quels a la testa da la seria da cursa, discuteschan gia davart in'ulteriura sbassada dal cunfin per il budget dal 2021. Dasper Ferrari sa dosta sur tut er Red Bull encunter in'ulteriur sbassament dal budget.

I va persuenter che teams enamez vulan trair giu ils teams a la testa sin in livel ch'els han il sentiment els possian tegnair cun
Autur: Christian Hornerschef da team da Red Bull

Ma, i vegnia adina a dar equipas a la testa ed autras a la cua.

RTR novitads 11:00