Cifras impressiunantas en la carriera dal Brasilian Ayrton Senna:
- 41 victorias en 161 cursas da la furmla 1
- En media en mintga segund grond premi sin il podest
- 3 titels da campiun mundial (1988, 1990 e 1991)
Ayrton Senna, ina icona, ina legenda, in star cun ina voluntad da gudagnar ultimativa. Nunemblidaivels èn ils duels tar McLaren cun ses collega d’equipa Alain Prost. Ina gronda rivalitad tranter il Brasilian ed il Franzos è er restada cura che Prost ha midà tar Ferrari.
La disgrazia dal 1. da matg
L’accident mortal da Senna avant 26 onns al GP da San Marino ha schoccà il mund da sport, anc dapli sia patria, la Brasilia.
- La Brasilia ha proclamà 3 dis malencurada naziunala
- Passa 3 milliuns èn stads a la sepultura a Sao Paolo
Daco che Ayrton Senna è charrà cun in tempo orrent en in mir da betun ad Imola, n’è anc oz betg dal tut cler. Gia en la qualificaziun il di avant era l’Austriac Roland Ratzenberger sa disgrazià mortalmain.
Ina nova èra puncto segirtad
Questa disgrazia ha gì consequenzas pli vastas en la furmla 1. Tranter auter han ils teams meglierà la segirtad dals autos. E suenter n'hai durant 21 onns dà nagin accident mortal en la furmla 1.