En la furmla 1 datti gist pliras midadas. Il Spagnol Carlos Sainz succeda a partir da la stagiun 2021 a Sebastian Vettel sco pilot da Ferrari. Sainz vegn sper Charles Leclerc ad esser il segund pilot tar la «Scuderia». El ha suttascrit in contract per dus onns. Quest onn parta Sainz anc per McLaren.
Ricciardo tar McLaren
Sco successur per Sainz ha McLaren prendì l’Australian Daniel Ricciardo sut contract. Ricciardo va actualmain anc per Renault.
Vinavant intschert è il futur da Sebastian Vettel en la furmla 1. Il Tudestg è vegnì tranter il 2010 e 2013 quatter giadas en seria campiun mundial ensemen cun Red Bull.