Charles Leclerc ha terminà quest onn si'emprima stagiun tar Ferrari, sco quart en il classament general. Il pilot da 22 onns è stà ina plazza avant il collega da squadra e quadrupel campiun mundial Sebastian Vettel. Quel è lià fin la fin da l’onn 2020 vi da la squadra taliana.
Ina stagiun da success
Charles Leclerc ha gudagnà duas giadas questa stagiun, en la Belgia ed en l’Italia. Vitiers ha el cuntanschì set posiziuns pole, uschè bleras sco nagin auter pilot il 2019.
video
Record e pole position per Leclerc tar il GP da l'Austria
Or da sportlive dals 29.06.2019.
laschar ir. Durada: 1 minuta 6 Secundas.
RTR novitads 14:00