Il pilot franzos ha però gì gronda fortuna. Sco ses team ha communitgà, haja el levas arsentadas vi dals mauns e vid ils oss radunds. Uschiglio saja tut en urden.
L'accident è capità curt suenter la partenza. Grosjean è cupitgà uschè ferm en ina saiv directiva che l'auto è vegnì stgarpa en dus tocs. Latiers è benzin culla ora ed ha cumenzà a brischar.
Er Lance Stroll ha gì in accident
L'auto dal pilot canadais è cupitgà suenter ch'el aveva sdrivlà l'auto da Daniil Kwjat. El è sa tschentà sin l'artg da protecziun. Cun agid ha el pudì bandunar il vehichel – tenor infurmaziuns actualas senza blessuras.
Hamilton dominescha vinavant
Cura che la cursa ha cuntinuà suenter ils dus accidents, ha Lewis Hamilton bajegià ora ses avantatg a la testa cuntinuadamain. El era gia partì da la pole position ed ha uschia gudagnà per la tschintgavla giada en roda. E per l'indeschavla en questa stagiun.