Lewis Hamilton sin Mercedes ha gudagnà il Grond Premi da furmla 1 da la Russia a Sotschi. Per Hamilton è quai l’82avel Grond Premida sia carriera. Il Brit da 34 onns ha profità la dumengia er dal fatg ch'il pilot da Ferrari, Sebastian Vettel, ha stuì dar si la cursa curt suenter la mesadad – quai pervi d'in defect vi dal sistem ibrid.
Segund è vegnì il collega da team da Hamilton, Valtteri Bottas e terz Charles Leclerc ch’era partì da la pole position. Ils 2 pilots dad Alfa Romeo, Kimi Räikkönen e Antonio Giovinazzi, èn vegnids 13 respectivamain 15avel.
RR novitads 15:00