Siglir tar il cuntegn

Header

cuntegn

Furmla 1 Hamilton la 90avla giada sin la pole

Lewis Hamilton ch’è gia sis giadas campiun mundial va sin plaz 1 da la qualificaziun per il Grond premi da l’Ungaria. Dasper el parta damaun ses collega da squadra Valtteri Bottas.

Lewis Hamilton cuntanscha per la setavla giada la pole-position sin il Hungaroring, uschè blers sco avant el mo anc Michael Schumacher.

Plaz dus da la qualificaziun fa Valtteri Bottas, sco Hamilton sin in Mercedes. Terz daventa Lance Stroll, avant ses collega da squadra Sergio Perez. Uschia conferma il duo la fermezza da l’auto da Racing-Point, che van era cun motors da Mercedes.

Pir suenter suonda Sebastian Vettel cun ses Ferrari, avant ses rival intern Charles Leclerc. Il retard d’els dus sin Hamilton munta a betg main che radund 1,3 secundas.

Davosa retscha per Alfa Romeo

La squadra Alfa Romeo resta era tar la terza prova da la stagiun senza auto en la segunda part da la qualificaziun. Antonio Giovinazzi e Kimi Räikkönen ston cumenzar la cursa da damaun ord la davosa retscha. Il Talian ed il Finlandais han fatg las bleras rundas, per vegnir tranter ils top 15 han dentant mancà pli che quatter dieschavels.

RTR novitads 17:00

Artitgels legids il pli savens