Hamilton che ha cumenzà la cursa da plazza 5, ha pudì profitar da Charles Leclerc e Sebastian Vettel ch'èn crudads ora.Uschia è el vegnì fin sin plazza trais. Suenter ha el gì in'autra strategia ch'ils auters. El ha interrut la cursa be ina giada per midar ses pneus. Bottas e Verstappen duas giadas. Uschia ha Hamilton er manà fin quatter rundas avant la fin. Lura è sa mussà ch'ils pneus n'han betg pli pudì tegnair uschè bain e Bottas ha puspè surpiglià posiziun 1.
Kimi Räikkönen ed Antonio Giovinazzi, cun Alfa Romeo n'han survegnì nagins puncts. Il Finlandais ed il Talian èn stads ina runda enavos ed èn vegnids sin las plazzas 12 e 14.
RR novitads 22:00