McLaren è l'emprima squadra da furmla 1 che ha fatg enconuschent mesiras economicas pervi dal coronavirus. McLaren ha tramess ina gronda part da ses collavuraturs en vacanzas. Ils pilots Lando Norris e Carlos Sainz e la direcziun han accepzà scursaniziuns da paja per ils proxims trais mais.
La gruppa McLaren ha radund 3'700 emploiads. 850 da quels lavuran per la squadra da furmla 1. Senn da las mesiras èsi da segirar a curta vista plazzas da lavur. Tenor il stan actual duai l'emprima cursa da la stagiun avair lieu ils 14 da zercladur a Montreal.