Sergio Perez banduna la squadra da Racing Point anticipadamain la fin da questa stagiun. Quai ha communitgà il Mexican da 30 onns via Twitter. En sasez avess el anc gì in contract valaivel fin la fin dal 2022. Davart ses avegnir sportiv n’ha Perez fatg naginas indicaziuns.
Perez ha cumenzà sia carriera en la furmla 1 tar Sauber il 2011. Tar 182 partenzas ha el cuntanschì quatter giadas il podest.
Schanza per Vettel?
Uschia pudess quest sez tar Racing Point vegnir liber per Sebastian Vettel che n’ha betg survegnì in nov contract tar Ferrari per la proxima stagiun.
audio
Per tadlar: Las novitads da las 22:00
ord RTR Audio dals 10.09.2020.
Maletg: RTR Grafica
laschar ir. Durada: 3 minutas 26 Secundas.
