Il Monegass che ha cumenzà davent da la pole n'ha l'entschatta anc pudì sa dustar cunter las attatgas da Verstappen. En la terz ultima runda ha il Nerlandais dentant pudì sper Leclerc ora ed ha pudì repeter sia victoria da l'onn avant. Il manever da vargar da Max Verstappen vegn uss dentant anc evaluà da la direcziun da la cursa.
Fin da seria da victoria da Mercedes
Verstappen ha uschia pudì far fin cun la seria da victorias da Mercedes che cuzza gia dapi l'entschatta da la stagiun. Valtteri Bottas è vegnì terz, Lewis Hamilton è vegnì 5avel anc davos Sebastian Vettel. Cun quai ha Hamilton manchentà l'emprima giada questa stagiun il podest. En la rangaziun dal classament general ha el dentant anc adina in avantatg da 31 puncts sin Bottas.
Trais puncts per anteriura squadra da Sauber
Alfa Romeo ha dumagnà l'emprima giada questa stagiun omadus autos en ils top 10. Grazia a las plazzas 9 e 10 da Kimi Räikkönen ed Antonio Giovinazzi ha la squadra cun sedia a Hinwil pudì fermar 3 ulteriurs puncts per il classament.
RR novitads 17:00