Siglir tar il cuntegn

Naziunal/Internaziunal Furmla 1: Vettel è l'emprim victur da la stagiun

Sebastian Vettel sin Ferrari ha gudagnà l'emprima cursa da furmla 1 da la stagiun a Melbourne e quai avant ils favurits sin Mercedes, Lewis Hamilton e Valteri Bottas.

Sebastian Vettel
Legenda: Sebastian Vettel sin Ferrari ha gudagnà l'emprima cursa da furmla 1 da la stagiun a Melbourne. Keystone

Il podest

  • 1. Sebastian Vettel (Germania/Ferrari)
  • 2. Lewis Hamilton (Gronda Britannia/Mercedes) +9,975 secundas
  • 3. Valtteri Bottas (Finlanda/Mercedes) +11,250 secundas

Vettel ha surpassà Hamilton en la boxa. Hamilton è ì ora en la 17avla runda, Vettel pir set rundas pli tard. Questa meglera tactica da Ferrari ha purtà la victoria cunter Mercedes. Uschia ha Vettel pudì surpigliar la testa e gudagnà per 43avla giada in Grand Prix. A Melbourne ha el avant sis onns pudì triumfar.

Il pilot da Sauber Antonio Giovinazzi - ch'è partì per Pascal Wehrlein che n'è betg fit - è vegnì 12avel. Marcus Ericsson ha stuì dar si en la 24avla da 57 rundas e quai pervi d'in defect da l'idraulica. Il defect è capità tar ina collisiun cun Kevin Magnussen curt suenter il start.

RR novitads 09:00